Не чакалі такога ў верасні? На сераду сіноптыкі абвясцілі жоўты ўзровень небяспекі праз спёку

12 верасня 2023 у 1694533140
«Зеркало»

Ужо амаль сярэдзіна верасня, а лета не здае сваіх пазіцый. На сераду, 13 верасня, абвясцілі жоўты ўзровень небяспекі праз спёку - праўда, не па ўсёй Беларусі. Пра гэта паведамілі ў Белгідрамеце Мінпрыроды.

«Удзень 13 верасня, у сераду, месцамі ў заходніх раёнах Беларусі максімальная тэмпература паветра дасягне +30°C», - гаворыцца ў паведамленні.

Аднак ужо ў чацвер, 14 верасня, у Беларусі пройдуць дажджы і нават навальніцы, а тэмпература паветра пачне зніжацца.