Ва Уздзенскім раёне вынеслі прысуд бацьку, які за крадзеж прысмакаў у краме збіў свайго 7-гадовага сына

25 студзеня 2024 у 1706169240
«Зеркало»

Суд Уздзенскага раёна 19 студзеня разгледзеў крымінальную справу ў дачыненні да мужчыны, якога абвінавачвалі ў катаванні свайго сямігадовага сына. Пра гэта паведамляе прэс-служба судовай інстанцыі.

У ліпені мінулага года хлопчык скраў з крамы прысмакі. П'яны бацька, даведаўшыся пра гэта, вырашыў яго пакараць. У матэрыялах суда гаворыцца, што ён «збіваў яго, кідаў на падлогу і сцены, хапаў за перадплечча, цягаў за майку па кватэры, пры гэтым наносіў удары рэменем, рукамі, нагамі па галаве, тулаве, ніжніх і верхніх канечнасцях, а таксама іншых частках цела свайго сына».

Мужчына цалкам прызнаў сваю віну.

Яго прызналі вінаватым у катаванні і прызначылі 1,5 года пазбаўлення волі ў папраўчай калоніі агульнага рэжыму. Яго таксама будуць прымусова лячыць ад хранічнага алкагалізму.

Прысуд у законную сілу не ўступіў і можа быць абскарджаны і апратэставаны ў акрэсленым заканадаўствам парадку.