У Мінску затрымалі доктара Уладзіслава Абушэнку

19 лютага 2024 у 1708351440
«Зеркало»

Сілавікі затрымалі мінчука за ўдзел у пратэстах у Мінску ў 2020 годзе. Яго «пакаяльнае» відэа апублікаваў набліжаны да ГУБАЗіК тэлеграм-канал.

Уладзіслаў Абушэнка. Фота: «Медыязона. Беларусь» з сацсетак Абушэнкі

«Медыязона. Беларусь» знайшла старонку затрыманага «ВКонтакце». Там ён падпісаны як Улад Абушэнка. Ён працаваў доктарам, у 2020 годзе скончыў шосты курс БДМУ.

На відэа мінчука прымусілі прызнацца ва ўдзеле ў пратэстах 2020 года.

- У гэты момант быў затрыманы супрацоўнікамі міліцыі і панясу за гэта адказнасць, - вымусілі сказаць на камеру затрыманага.

Прапагандысты таксама апублікавалі фота, на якім мінчук стаіць на праезнай частцы на праспекце Незалежнасці ў Мінску.

Па якім менавіта артыкуле затрыманы Абушэнка і ці знаходзіцца ён дагэтуль за кратамі - невядома.

Чытайце таксама