Сёлета кляшчы пакусалі ўжо ў тры разы больш людзей, чым за такі ж перыяд мінулага. Паводле статыстыкі за 2022 год, колькасць перанесеных імі інфекцый павялічылася больш чым удвая, паведамілі ў Мінздароўя.
Паводле звестак беларускіх навукоўцаў, кляшчы ў нашай краіне могуць быць заражаныя дзевяццю рознымі ўзбуджальнікамі інфекцыйных захворванняў, але штогод медыкі рэгіструюць два асноўныя захворванні: Лайм-барэліёз і клешчавы энцэфаліт.
— Паводле статыстыкі за 2022 год, у нас адбыўся рост клешчавых інфекцый у 2,1 разу па клешчавым энцэфаліце і ў 2,4 па Лайм-барэліёзе, і гэта нас насцярожвае, — паведаміла энтамолаг Рэспубліканскага цэнтра гігіены, эпідэміялогіі і грамадскага здароўя Святлана Яшкова.
Паводле яе, у гэтым сезоне захворвальнасць прыкладна такае ж, як у аналагічны перыяд мінулага года: ужо зарэгістраваныя два выпадкі клешчавога энцэфаліту і больш за 200 выпадкаў Лайм-барэліёзу, але ў гэтых выпадках само заражэнне адбылося яшчэ летась.
— За чатыры месяцы 2023 года ў арганізацыі аховы здароўя звярнулася досыць вялікая колькасць людзей (у сярэднім у тры разы больш, чым за аналагічны перыяд 2022 года) з прысмоктваннем кляшчоў, — дадала Святлана Яшкова.